1 шілде Мемлекет басшысы жаңа Конституцияның қабылдануына орай Амнистия туралы заңға қол қойды. Тәуелсіз Қазақстан тарихында алғаш рет әкімшілік амнистия жүргізілді, ол шамамен 590 мың адамды қамтыды.
ЗАҢ ҚАЛАЙ ЖҮЗЕГЕ АСЫРЫЛУДА
Polisia.kz деректері бойынша, 1 шілдеде гуманизм мен мейірімділіктің ауқымды актісі деп аталған Амнистия туралы заңға қол қойылды.
«Амнистия гуманизмнің бір реттік шарасы болып табылады және болашақ құқық бұзушылықтар үшін жауапкершіліктен босатпайды. Олар қайталанған жағдайда, кінәлілер заңнамаға толық сәйкес жауапкершілікке тартылады», — деп атап өтті ІІМ әкімшілік полиция комитетінің төрағасы Мұрат Қабденов.
Тәуелсіз Қазақстан тарихында алғаш рет әкімшілік амнистия азаматтарды заңда көзделген баптар бойынша әкімшілік айыппұлдарды төлеуден босатуды көздейді.
АМНИСТИЯ ҚАНША АДАМДЫ ҚАМТЫДЫ
Ішкі істер министрлігі (ІІМ) желісі бойынша әкімшілік амнистия шамамен 590 мың адамды қамтыды. Оларға қатысты жалпы сомасы 22 млрд теңгеден астам 1,3 млн әкімшілік жазаны орындау тоқтатылды.
ІІМ ТАҒЫ НЕНІ ХАБАРЛАДЫ
ІІМ азаматтарды заңды сақтауға және айналасындағылардың құқықтарын құрметтеуге шақырып, қауіпсіз және әділ қоғамның негізі ретінде «Заң және тәртіп» қағидатының маңыздылығын атап өтті.
