Зейнетақы жинағы Бірыңғай жинақтаушы зейнетақы қорының (БЖЗҚ) инвестициялық кірісі наурыз айында теңгенің долларға қатысты нығаюына байланысты 240 млрд теңгеге төмендеді. Бірақ жыл басынан бері көрсеткіш оң күйінде қалып отыр, бұл валюталық ауытқулардың зейнетақы активтеріне әсерін көрсетеді.
ИНВЕСТИЦИЯЛЫҚ КІРІС НЕГЕ ТӨМЕНДЕДІ
Ұлттық Банк төрағасының орынбасары Әлия Молдабекованың айтуынша, бұл қордың шығыны емес, активтерді валюталық қайта бағалау аясында инвестициялық кірістің төмендеуі болып табылады.
«Инвестициялық активтердің белгілі бір үлесі – шамамен 40% – әртараптандыру мақсатында валютаға салынған. Ал жыл басынан бастап, яғни қаңтардан наурыздың соңына дейін теңге долларға қатысты шамамен 5,5% нығайды», — деп түсіндірді Әлия Молдабекова Сенаттағы брифингте.
ЖЫЛ БАСЫНАН БЕРГІ КІРІС ҚАНДАЙ
Ұлттық Банк төрағасы орынбасарының сөзіне сәйкес, жыл басынан бері инвестициялық кіріс оң мәнін сақтап, 270 млрд теңгеден асады.
Соңғы бір жылда бұл көрсеткіш шамамен 2,5 трлн теңгені құрады.
«Зейнетақы активтерінің кірістілігін қысқа мерзімді перспективада – әр аптада немесе айда өлшеуге болмайтынын атап өткім келеді. Бұл бәрібір ұзақ мерзімді жинақтар. Зейнетақы активтерін бағалауда дұрыс бағдар олардың ұзақ мерзімді кірістілігі деп есептейміз», — деп мәлімдеді Әлия Молдабекова.
Источник
Telegram-канал «QOGAM by SATZHANGRAM»