В Астанада сот үкім шығарды: ер адам өртеу арқылы бөтен мүлікті жоюға тырысқан. Айыпталушы Instagram әлеуметтік желісінде алған нұсқаулық бойынша әрекет етіп, $2 мың көлемінде сыйақы алуды көздеген.
ОҚИҒА ҚАЛАЙ БОЛДЫ
Астана қаласы прокуратурасының мәліметінше, ер адам Instagram арқылы байланысқа шығып, ақшалай сыйақы үшін заңсыз әрекеттерді орындауға келіскен.
Ол алдын ала дайындалған тұтандырғыш құрылғыларды тұрғын үйге қарай лақтырған. Оқиға кезінде ішінде адамдар болған, бұл олардың өмірі мен денсаулығына нақты қауіп төндірген.
«Қылмыс оған байланысты емес жағдайларға байланысты аяғына дейін жеткізілмеді», — деп хабарлады Астана қаласы прокуратурасының баспасөз қызметі.
СОТ НЕ ШЕШТІ
Сот ер адамды бөтен мүлікті жоюға оқталуда кінәлі деп таныды. Үкім шығару кезінде оның бұрын өтелмеген сотталғандығы ескерілді.
Нәтижесінде сот оған 3 жыл 6 ай бас бостандығынан айыру түріндегі түпкілікті жаза тағайындады.
АСТАНА ҚАЛАСЫ ПРОКУРАТУРАСЫНЫҢ ТҮСІНДІРМЕСІ
Қала прокуратурасының баспасөз қызметінде әлеуметтік желілер арқылы ұсынылатын заңсыз схемаларға қатысу қылмыстық жауапкершілікке әкеп соғатынын атап өтті.
Азаматтарға күмәнді жұмыстарға келісу бас бостандығынан айыруға ғана емес, сонымен қатар айналасындағылардың өмірі мен қауіпсіздігіне қауіп төндіруі мүмкін екендігі ескертілді.