21 сәуірде Мәжіліс депутаты Мұрат Әбенов Астанадағы Highvill тұрғын үй кешенінде екі шетелдіктің қарумен ұсталғанын хабарлады. Кейін полиция бұл антикварлық заттар екенін, ал ұстау туралы ақпараттың расталмағанын нақтылады.
НЕ БОЛДЫ
Депутат Мұрат Әбенов өзінің Facebook парақшасында екі шетелдіктің ұсталғанын хабарлады.
«Түнде, Хайвил тұрғын үй кешеніндегі Назарбаев университетінің пәтерінде ҚР ІІМ қызметкерлері екі шетелдікті қару-жарақ арсеналымен: мылтықтар, тапаншалармен ұстады», — деп жазды Мұрат Әбенов.
УНИВЕРСИТЕТ НЕ ДЕДІ
Назарбаев Университеті (НУ) баспасөз қызметі оқиғаның оқу орнына қатысы жоқ екенін жоққа шығарды — заттардың иелері университеттің қызметкерлері немесе оқытушылары емес.
«Пәтерде XV–XVIII ғасырлардағы тарихи сирек кездесетін жәдігерлер болған. Бұл музей экспонаттары, олар мақсаты бойынша пайдаланыла алмайды», — деп нақтылады НУ-да.
ПОЛИЦИЯНЫҢ ТҮСІНДІРМЕСІ
Астана қаласының полиция департаментінде (ПД) хабарлағандай, әлеуметтік желілерде тараған шетелдіктердің қарумен ұсталғаны туралы ақпарат шындыққа жанаспайды.
«Заттардың тұрғын үйге әкеліну фактісі орын алды. Өтініш сақтық танытқан тұрғын әйелден түсті. Алайда, тексеру барысында жәшікте тарихи және мәдени құндылығы бар антикварлық қару заттары болғаны анықталды», — деп атап өтті ведомствоның баспасөз қызметінде.
Источник
Facebook-страница Мурата Абенова, пресс-служба департамента полиции города Астаны