Қостанай облысының прокуратурасы ауыл шаруашылығы өнімдерін сатып алу және жеткізу саласында жұмыс істеген ЖШС басшысына қатысты айыптау актісін бекітті.
Ведомствоның баспасөз қызметінің мәліметінше, 2021 жылғы желтоқсаннан 2022 жылғы сәуірге дейін күдікті Қостанай, Солтүстік Қазақстан, Ақмола және басқа да бірқатар облыстардың кәсіпорындарымен астық және өзге де ауыл шаруашылығы өнімдерін жеткізуге шарттар жасасып, өз міндеттемелерін орындауды ниет етпеген.
Айыпталушы өз ЖШС-нің деректемелерін пайдаланып, контрагенттерді өнімді жеткізу бойынша нақты мүмкіндіктері туралы адастырғаны атап өтіледі.
Серіктестерден 140 млн теңгеден астам алдын ала төлем алған ол тауарды жөнелтпеген, логистика туралы жалған мәліметтер беріп, ақшаға өз қалауы бойынша билік еткен. Нәтижесінде 11 кәсіпкер зардап шеккен.
Айыпталушының әрекеттері ҚК-нің 190-бабы 4-бөлігінің 2-тармағы («Бірнеше рет және аса ірі мөлшерде жасалған алаяқтық») бойынша сараланды, ол мүлкін тәркілей отырып, 10 жылға дейін бас бостандығынан айыру түріндегі жазаны көздейді. Қылмыстық істің материалдары Қостанай қаласының №2 сотына жіберілді.
Еске сала кетейік, бұрын хабарланғандай, Шымкент қаласының Қаржылық мониторинг агенттігі департаменті «Ауыл шаруашылығын қаржылай қолдау қоры» АҚ-ның бұрынғы төрағасы Жандар Омаровқа қатысты сотқа дейінгі тергеп-тексеру жүргізуде.
Ол қарқынды алма бақтарын салуға бөлінген 430 млн теңгені жымқырды деген күдікке ілінген.