Жетісу облысында Панфилов ауданы құрылыс, сәулет және қала құрылысы бөлімінің басшысы Ю. Мұхпуловқа қатысты үкім жарияланды.
Антикордың баспасөз қызметінің мәліметінше, ол А. Хасанов делдалы арқылы белгілі бір К. Әпізовтан 200 мың теңге көлемінде пара алғаны үшін кінәлі деп танылды. Пара жер учаскесінің мақсатты бағытын өзгерту үшін берілген.
Нәтижесінде сот Мұхпуловқа 6 млн теңге, Хасановқа 2 млн теңге, Әпізовке 4 млн теңге мөлшерінде айыппұл түріндегі жаза тағайындады.
Барлық сотталғандар мемлекеттік қызметте лауазымдарды атқару құқығынан өмір бойына айырылды.
«Қылмыстық кодекстің 41-бабына сәйкес, айыппұл белгіленген мерзімде төленбеген жағдайда, жаза шарасы бас бостандығынан айырумен ауыстырылады. Сот үкімі заңды күшіне енді», - делінген хабарламада.