Шығыс Қазақстан облысында жылдың бірінші жартыжылдығында экологтар табиғат қорғау заңнамасының 86 бұзушылығын анықтады, деп хабарлады облыс бойынша экология департаментінің басшысы міндетін атқарушы Әсет Сүлейменов. Айыппұлдардың жалпы сомасы 2 млрд теңгеден асты.
«Қазинформ» ХАА мәліметінше, сарапшылар 33 тексеру жүргізіп, нәтижесінде сонша нұсқама берілді.
Ең көп айыппұлдарды облыстың өнеркәсіптік кәсіпорындары алды:
- «Қазмырыш» ЖШС — 1,7 млрд теңгеден астам, сондай-ақ 60,9 млн теңге көлемінде қосымша айыппұлдар;
- «СиньСин» ЖШС — 1,066 млрд теңге;
- «Өскемен ЖЭО» ЖШС — шамамен 26,9 млн теңге;
- «ТМК» АҚ — 24 млн теңге.
«Тексеру нәтижелері бұзушылықтардың шағын бизнес кәсіпорындарында да, өнеркәсіп алыптарында да тіркелетінін көрсетеді. Әрбір жағдай бойынша нұсқамалар беріліп, шаралар қабылданды», — деп атап өтті Әсет Сүлейменов.
Департаментте облыс компаниялары экологиялық жобаларға инвестиция салуды жалғастырып жатқанын, бұл ретте табиғат қорғау іс-шараларына жұмсалатын шығындар жоспарланған сомалардан жиі асып түсетінін атап өтті. Ведомство қоршаған ортаны қорғау жөніндегі міндеттемелердің орындалуын бақылауды күшейтуге уәде берді.
Еске сала кетейік, бұған дейін «Эко Манғыстау» (ҮЕҰ) үкіметтік емес мекемесінің өкілдері қабылданып жатқан шараларға қарамастан, Манғыстау облысындағы «Қошқар-Ата» қалдық қоймасының жоғары қауіптілігі сақталып отырғанын мәлімдеген болатын. Олардың сөзінше, нысан өңірдің экологиясы мен халық денсаулығына елеулі қауіп төндіріп тұр.