Сауда және интеграция министрі Арман Шаққалиевке журналистер қазақстандықтар табыстарының жартысынан көбін азық-түлікке жұмсауды қашан тоқтатады деген сұрақ қойды. informburo.kz мәліметінше, ол Қазақстанда азық-түлік бағасын төмендету үшін отандық өндірісті арттыру керек екенін айтты.
«Бір жақсы сөз бар: «Үлкен шығындардан қорықпаңдар, кішкентай табыстардан қорықыңдар». Бізге көбірек табыс табу, көбірек өндіру керек», – деді министр.
Сонымен қатар ол азық-түлік себеті мен тұтыну тауарлары бойынша елдегі бағалардың өзгермелі екенін атап өтті.
«Азық-түлік себеті мен халық тұтынатын тауарларға келер болсақ, бағалар құбылмалы. Өзімізді қамтамасыз ететін, тұрақты жеткізілім және бәсекелестік деңгейі жоғары жерлерде баға да лайықты, нарықтық болады», – деп мәлімдеді Шаққалиев.
Бұдан басқа, сауда министрі үкіметтің кіріс бөлігін және өндірісті ұлғайтумен белсенді айналысып жатқанын атап өтті.
Естеріңізге сала кетейік, биылғы жылдың қараша айында жоғары лауазымды тұлғалардың қазақстандықтарға өмірін жақсарту үшін көбірек табыс табу керек деген ұқсас мәлімдемесі жасалған еді.
Сол кезде Мәжіліс депутаты Дәулет Мұқаев жастардың жалақысы 200 мың теңгеден аспайтын кезде жеңілдетілген банк несиесі үшін үйдің құнының жартысын жинақтай ала ма деген сұрақ қойған болатын.
Ол өнеркәсіп және құрылыс министрі Қанат Шарлапаевқа жүгініп, бұл соманың жартысынан көбі азық-түлік пен басқа да бірінші қажетті тауарларды сатып алуға кететінін көрсетті.
Бұған мырза Шарлапаев ең алдымен мемлекет ауыр жағдайдағы адамдарға көмектесуі керек деп жауап берді. Сондай-ақ ол жастар «қаржылық сауатты болып, ақша жинақтап, қазіргі бар бағдарламалар аясында ипотека алуға тырысуы керек» деп есептейді.