Желіде Қарағанды облысы полиция департаментінің тергеу басқармасының бұрынғы бастығы Рүстем Құлкеевтің ұсталғаны туралы ақпарат таралуда. Ол 2023 жылғы 1 желтоқсаннан бері іздеуде болған.
Patriotnews.kz өз дереккөздеріне сілтеме жасап хабарлағандай, Сыбайлас жемқорлыққа қарсы қызмет және ІІМ-нің ішкі қауіпсіздік басқармасы Құлкеевті оның үйінен – Қарағандыдағы тіркеу мекенжайы бойынша ұстаған.
Тергеу басқармасының экс-бастығы қылмыстық іс бойынша заттай дәлелдеме ретінде алынған майнингке арналған жабдықты ұрлады деген күдікке ілінген.
«Құлкеевке қатысты ҚР ҚК-нің 188-бабы 4-бөлігі «Ұрлық» және ҚР ҚК-нің 361-бабы «Лауазымдық өкілеттіктерді теріс пайдалану» бойынша қылмыстық іс тергелуде», - делінген хабарламада.
Айта кетейік, Құлкеевпен бірге іс бойынша күдікті ретінде оның бағыныштысы - тергеуші Қанатов өтіп жатыр. Қазір ол тергеу изоляторында.
Еске сала кетейік, Рүстем Құлкеев іздеуге жарияланған болатын өткен жылдың желтоқсан айында. Оған дейін ол тергеу басқармасы бастығы лауазымынан босатылғаны хабарланған еді.