Теміртауда баланың денсаулығына зиян келтіру ісі бойынша үкім шығарылды.
Қарағанды облысы соттарының баспасөз қызметінің мәліметінше, ойын алаңында әйел өз баласының басқа бір ұлбенің ұрысып жатқанын байқап, соңғысын киімінен ұстап алып, бетінен ұрған. Нәтижесінде бала ми шайқалуы, гематома және сызаттар алған.
Сотта ол кінәсін мойындады. Оның әрекеттерін бейнебақылау камерасының жазбасы, куәгерлердің айғақтары және сараптама қорытындысы растады.
Нәтижесінде сот әйелді пробациялық бақылау белгілей отырып, 6 айға бас бостандығын шектеуге үкім шығарды. Сондай-ақ, зардап шеккеннің пайдасына моральдық зиян үшін 100 мың теңге өтемақы өндірілді.
Бұл ретте бап қатаңырақ жазаны — 2 жылға дейін бас бостандығынан айыруды көздейді, бірақ сот сотталғанның оң сипаттамаларын және құқық бұзушылықты алғаш рет жасағанын ескерді.
Естеріңізге сала кетейік, бұған дейін республикалық тамыз педагогтер конференциясында Ақтөбе облысында елдегі алғашқы балалар құқығын қорғау басқармасының құрылғаны хабарланған болатын. Жобаны бала құқықтары жөніндегі уәкілмен бірлесіп жүзеге асырып, елдің барлық өңірлерінде кезең-кезеңімен енгізетіні атап өтілді.