Маңғыстау облысында 25744 әскери бөлімінің 1-ші шабуыл батальонының отты қолдау ротасының аға сержанты сот алдына келді. «Диапазон» басылымының мәліметінше, ол үш мерзімді әскери қызметшіні соққыға жыққан.
«Мұндай мінез-құлыққа мерзімді әскери қызметшінің оның рұқсатынсыз казарма дәлізінде пайда болуы себеп болған. Басқа жағдайда ол шабуыл батальонының мерзімді әскери қызметшісін насвай қолданғаны үшін ұстап, үш мерзімді әскери қызметшіге бетінен ұрған, тағы екеуінің басына жұдырықпен соққан», - делінген хабарламада.
Іс «билікті асыра пайдалану» бабы бойынша қаралды. Айыпталушы кінәсін мойындады, алайда жазадан құтыла алды.
«Оның ұрған алты әскери қызметшісі өздерінің оған талабы жоқ екенін мәлімдеп, тараптардың татуласуына байланысты қылмыстық жауапкершіліктен босатуды сұрады. Сот солай шешті: 27 жастағы аға сержант Нияз А. тараптардың татуласуына байланысты қылмыстық жауапкершіліктен босатылды», - делінген хабарламада.
Еске сала кетейік, армиядағы жиілеген қайғылы жағдайларға байланысты қазақстандықтар міндетті әскери қызметті жою туралы петиция жасады. Авторлардың пікірінше, Қазақстанда мерзімді әскери қызметті жою бейбіт уақытта әскери қызметшілердің қаза болуына байланысты өзекті болып отыр. Тек қыркүйек айында біз осындай бес оқиға туралы жазған болатынбыз.
7 қыркүйекте Ақтау әскери бөлімінде мерзімді әскери қызметші басына оқ тиіп қаза тапты. 13 қыркүйекте Алматыдағы Құрлық әскерлерінің Әскери институтында сержант өз-өзіне қол жұмсады. 16 қыркүйекте Арыста әскери бөлімдерінің бірінің келісімшарт бойынша әскери қызметшісі травматикалық қарудан басынан жарақат алды. 19 қыркүйекте Аягөз гарнизонының әскери бөлімдерінің бірінің офицері асылып өз-өзіне қол жұмсады. 30 қыркүйекте Ақтау гарнизонының әскери бөлімдерінің бірінің келісімшарт бойынша әскери қызметшісі тұратын пәтерінде өз-өзіне қол жұмсады.
Сонымен қатар, ФБРК редакциясы соңғы жылдары «Отан алдындағы борышын өтеу» барысында қанша адам қаза тапқанын анықтауға тырысты. Біз Қорғаныс министрлігіне ресми сұрау жолдап, ҚР Қарулы Күштеріндегі қайтыс болғандар саны туралы деректерді ұсынуды сұрадық. Ведомствоның жауабымен сілтеме арқылы танысуға болады.