Сенат депутаты Марат Кожаев жүргізушілердің, әсіресе техникалық құралдармен тіркелетін қайталанатын бұзушылықтар үшін жауапкершілігін күшейтуді қолдады.
БАҚ хабарлағандай, Кожаев камералармен тіркелген 10 және одан да көп бұзушылығы бар жүргізушілер үшін Жол қозғалысы ережелері бойынша теориялық емтиханды қайта тапсыруды міндеттеуді енгізуді ұсынады.
«Белгілі бір кезең ішіндегі бұзушылықтар санын ескеретін және жүйелі бұзушылар үшін айыппұлдарды төлеуге 50% жеңілдікті міндетті түрде алып тастайтын, бұзушыларға сараланған жазалау тетігін әзірлеу маңызды», - делінген хабарламада.
Сонымен қатар депутат камералармен тіркелетін айыппұлдар қайталанатын бұзушылықтармен күресуде тиімсіз деп санайды.
«Қолданыстағы құқық қолдану практикасы жүйелі бұзушылықтарды тиісінше жолуға мүмкіндік бермейді, себебі техникалық құралдармен автоматты режимде тіркелетін бұзушылықтардың қайталануы үшін жүргізушіні жауапкершілікке тарту мүмкін емес, өйткені айыппұл көлік құралының иесіне бұзушылықтар тарихын ескермей жазылады», - деп атап өтті депутат.
Сондай-ақ Кожаев кейбір ауқатты азаматтар айыппұлдарды шындап қабылдамайтынын айтты. Ол мысал ретінде Алматыда бір жүргізушінің бір жыл ішінде 143 бұзушылық жасап, жалпы сомасы 3 млн теңгеден астам айыппұл төлегенін келтірді.
Сенатор мұндай жағдайларда жүргізушілерді емтихандарды қайта тапсыруға жіберуді, ал қажет болған жағдайда көлік жүргізу құқығынан мүлдем айыруды ұсынды.