«Семей орманы» қорығының басшылығы электронды сауда алаңының сайтында орман сату туралы хабарландыру жариялады.
ORDA мәліметінше, бұл 2023 жылы маусымдағы өрттер кезінде зардап шеккен ағаштарға қатысты. Барлығы сайтта 51 лот орналастырылды, олардың жалпы бастапқы бағасы 4,5 млрд теңгеден асады.
Мысалы, 1083 текше метр ағашты 11 млн теңгеден бастапқы бағамен сатып алу ұсынылады. 17 335 текше метр үшін 175,8 млн теңгеден бастап сұралады.
Аукциондар бағаны төмендетуге емес, керісінше көтеруге бағытталатыны атап өтілді. Осылайша, зақымдалған орманның нақты бағасы 4,5 млрд теңгеден асады.
Еске сала кетейік, шілде айында премьер-министр Олжас Бектенов заңсыз орман кесушілерді «мемлекет жаулары» деп атаған. Үкімет басшысы өткен жылы маусымда ірі өрт болған «Семей орманы» табиғи орман қорығы аумағында құқықтық тәртіптің сақталуын қатаң бақылауды тапсырды.
Өрт 14 қызметкердің өмірін қиды. От бірегей реликті қарағайлы орманның 63 мың гектардан астамын жойды. Зиян 160 млрд теңгеден асты.