Ақтөбе облысының прокуратурасы құрылыс салушылардың заңсыз әрекеттерінен зардап шеккен үлескерлердің құқықтарын қорғады. Өңірде үлестік құрылыстың 12 проблемалық нысаны бар, онда 797 адам зардап шеккен деп танылды, ал жалпы залал 6,1 млрд теңгеден асты.
Ведомствоның баспасөз қызметінің мәліметінше, жекелеген құрылыс салушылар заңды негізсіз азаматтардың қаражатын тартқан. Атап айтқанда, «АлашОрда-1» ТҚК және «Aviator Premium» ТҮК басшылары алаяқтық жолымен 200-ден астам үлескерді тартып, 1,8 млрд теңгеден астам қаражат жинаған.
Сонымен қатар, сот «Safina.kz» ТҮК және «СтройСервисРегион» ТҮК өкілдерін алаяқтықта кінәлі деп таныды, олар үлескерлерден заңсыз 3,2 млрд теңгеден астам қаражат жинаған. Сот үкімімен олар 10 жыл бас бостандығынан айыру жазасын алды.
Прокуратура биылғы жылы үлестік құрылыстың 11 нысаны бойынша жеті құрылыс компаниясының басшылары қылмыстық жауапкершілікке тартылғанын нақтылады.
Прокуратура органдары азаматтық тәртіппен де талап арыздар берді: 413 үлескердің мүддесіне сатып алу-сату шарттарын жарамсыз деп тану және мүлікті беру туралы барлығы 8 талап арыз.
285 үлескердің мүддесіне қатысты 6 талап арыз бойынша сот талаптарды қанағаттандырды. 128 үлескер қатысқан тағы 3 нысан сот ісін жүргізуде.
Ведомство тұрғын үй құрылысы кезінде ақша қаражатын заңсыз тарту мониторингі тұрақты негізде жүргізілетінін атап өтті.