Желіде "Автопарк" ЖШС директоры Мейржан Ундиргеновтың ұлы Бекжан Сағидуллаев мас күйінде полицейге қағып кетуге жанама кінәлі болғаны туралы ақпарат таралуда.
Ratel.kz мәліметінше, оқиға 22 қыркүйекте Ақтөбе көшелерінің бірінде патрульдік полицейлер Lexus көлігін тоқтатқаннан кейін болған.
«29 жастағы жүргізуші куәландырылып, сараптама қорытындысы бойынша мас күйінде болған. Сараптамадан өткен соң ер адам медициналық мекемеден жүгіріп шығып, әйелінің көлігіне отырған. Көлікті тоқтатуға тырысқанда, әйелі күйеуімен бірге жасырынуға тырысып, полиция капитанын қағып, оны капотта бірнеше метр сүйреген», - делінген хабарламада.
Полиция қызметкері зардап шеккен жоқ. Кейін Сағидуллаев пен оның әйелі ұсталғаны белгілі болды.
Журналистердің жазуынша, 2016 жылы кәсіпкер және бұрынғы депутат Мейржан Ундиргеновке қатысты бірден бірнеше қылмыстық іс қозғалған.
Тергеу нұсқасы бойынша, "Автопарк" ЖШС иесі бола тұра, Ундиргенов сенімді қызметкерлерінен құралған ұйымдасқан қылмыстық топ құрған.
«Олардың міндетіне кәсіпорынның шығындылығы туралы жалған имидж жасап, ақпараттық локомотив рөлін атқару кірген. Осының арқасында топ «Қала ішілік және ауданішілік жолаушылар тасымалын ұйымдастыру» бағдарламасы аясында бюджеттік субсидиялар бөлуге ұзақ уақыт қол жеткізе алған», - делінген хабарламада.
Сотта компанияның есептерінде "Автопарктің" пайдасының тек 40% көрсетілгені белгілі болды. Қалған ақша Ундиргеновтің қалтасына түскен.
Ундиргеновтің үйін тінту кезінде $3,3 млн, €1,8 млн, 161 791 теңге, 326 300 рубль, сондай-ақ банктік шоттарда 84,5 млн теңге және $89 259 табылған.
Тергеу бір жылға созылды. Сот Ундиргеновті субсидия ретінде бөлінген 900 млн теңгені иемденгенін мойындап, оны 4 жылға бас бостандығынан айыруға үкім шығарды.
Бір жылдан кейін Ундиргенов босатылды. Ол әлі күнге дейін Ақтөбедегі негізгі жолаушы тасымалдаушы болып табылатын "Автопарктің" директоры екендігі атап өтіледі.