Павлодарда мемлекеттік мүлікті сату бойынша заңсыз аукциондар жойылды.
Павлодар облысы прокуратурасының баспасөз қызметінің мәліметінше, мемлекеттік мүлік және жекешелендіру департаменті аукционда ЖЖМ сақтауға арналған 5 сыйымдылығы және ауданы 0,5 га жер телімі бар 2 қабатты мүліктік кешенді сатты. Мәміле сомасы 8,3 млн теңге құрады.
Сонымен қатар, сараптама кешеннің нақты құны оны сату бағасынан ондаған есе артық екенін анықтады.
«Прокурордың талап-арызы бойынша сот аукциондарды және одан кейінгі сатып алу-сату шарттарын жарамсыз деп таныды. Қазіргі уақытта меншік иесінің құқықтарын жою және мүлікті мемлекет меншігіне қайтару бойынша шаралар қабылдануда», - делінген хабарламада.
Еске сала кетейік, бұрын хабарланғандай, 2008 жылы «Игілік» коммуналдық мемлекеттік кәсіпорнының басшылығы конкурс ұйымдастырмай, өндірістік базаны үшінші тұлғаларға 270 мың теңгеге сатқан. Ал базаның бағалау құны 30 млн теңге болған.
Сонымен қатар, белгілі болғандай, жыл басында БҚО тұрғынына жалпы ауданы 40 га болатын 2 ірі жер телімі жеке меншікке берілген. Олардың сатып алу бағасы өте төмен болып, небәрі 765 мың теңге құраған. Ал жер телімдерінің нақты кадастрлық құны 119,8 млн теңге болған.