Қостанай облысының прокуратурасы жер заңнамасының сақталуын талдау барысында пайдаланылмайтын ауыл шаруашылығы алқаптарын анықтады.
Ведомствоның баспасөз қызметінің мәліметінше, Қостанайда кәсіпорынға конкурстық рәсімнен өтпестен, бағалау құны 254 млн теңгеден асатын 15 га жер телімі негізсіз берілген. Қадағалау актісіне сәйкес жер телімі мемлекетке қайтарылды.
Екінші жағдайда Жітіқара ауданында шамамен 3 жыл бойы пайдаланылмаған ауыл шаруашылығы мақсатындағы 1 мың га артық жер мемлекетке қайтарылды. Учаскелердің кадастрлық құны 39 млн теңгеден астам бағалануда.
Ағымдағы жыл ішінде прокурорлар жалпы құны 1,2 млрд теңгеден асатын 53 мың га жер телімдерін мемлекетке қайтарды.
Еске сала кетейік, қыркүйек айының басында үкімет отырысында премьер-министрдің орынбасары Серік Жұманғарин мәлімдегендей, биыл жоспарланған 2 млн га жердің орнына мемлекетке пайдаланылмайтын немесе заңбұзушылықпен берілген ауыл шаруашылығы жерлерінің 1,3 млн га қайтарылды.
Тамыз айында Ақтөбе облысында мемлекет меншігіне ауылшаруашылық мақсатындағы 30 мың га жер телімдері қайтарылғаны хабарланды.
Маусым айында белгілі болғандай, биыл Алматы облысының прокурорлары мемлекет меншігіне жалпы ауданы 12,5 мың га және құны 2,5 млрд теңге болатын пайдаланылмайтын жерлердің 155 учаскесін қайтарды.