Павлодар облысының полицейлері «Браконьер» жедел-профилактикалық іс-шарасы кезінде табиғат қорғау заңнамасының 35 бұзушылығын жолын кесті.
Polisia.kz мәліметтері бойынша, заңсыз аңшылық және ағаш кесумен айналысқан жергілікті тұрғындардан құқық бұзушылық құралдары тәркіленді. Бұзушылардың автокөліктері коммуналдық тұраққа қойылды.
Сонымен қатар, құқық қорғаушылар Ертіс ауданында Ертіс өзенінің жайылмасында бір ауыл тұрғынының қытайлық монотормен (тыйым салынған құрал) балық аулағанын анықтады.
Басқа бір жағдайда, Успен ауданының Лозовое ауылының тұрғыны көлде алкогольдік ішімдіктер ішіп, осылайша балық аулау ережелерін бұзды.
_______________
Анықтама үшін: ҚР «Жануарлар дүниесін қорғау, өсімін молайту және пайдалану туралы» Заңының 39-бабының 5-тармағына сәйкес, алкогольдік немесе есірткілік масаң күйде, сондай-ақ интоксикацияның өзге түрінде балық аулауға жол берілмейді.
Нәтижесінде, сот шешімімен аталған азаматтардың әрқайсысына 10 АЕК (39 320 теңге) мөлшерінде айыппұл салынды. Ведомство балық аулау ережелерін бұзу 10-нан 100 АЕК-ке (393 200 теңге) дейінгі мөлшерде айыппұлға әкеп соғатынын еске салды. Жыл ішінде қайталап бұзған жағдайда, айыппұл 20-дан 150 АЕК-ке дейін (78 640 теңгеден 589 800 теңгеге дейін) құрайды.
Айта кетейік, 2024 жылдың желтоқсан айының басында Павлодар облысында жергілікті тұрғындар балық аулау кезінде алкоголь ішкені үшін жазаланған болатын.
Мәселен, «Мұз» акциясы аясында құтқарушылар мен полицейлер рейд жүргізіп, бірнеше балықшыға қажетті жабдықтың болмауы және мұзда алкогольдік ішімдіктер ішкені үшін айыппұлдар салынды.