Павлодар облысының Тереңкөл ауданы прокуратурасы «Вильгельм» шаруа қожалығына (ШҚ) 20 жыл мерзімге 1 552 га көлеміндегі жайылымдарды негізсіз беру фактісін анықтады.
«Жер ресурстарын басқару департаменті аудан прокуратурасының қадағалау актісі бойынша жер жалдау шарттарын жарамсыз деп тану туралы талап қойды. Облыстың мамандандырылған ауданаралық экономикалық сотының шешімімен департаменттің талабы қанағаттандырылмады», - деп хабарлайды Павлодар облысы прокуратурасының баспасөз қызметі.
Сонымен қатар, сот учаскенің берілуі мүмкін емес екенін ескермеді, себебі ол елді мекенге жатады және тек жергілікті тұрғындардың мал жаюына арналған.
Нәтижесінде Павлодар облысы прокуратурасының апелляциялық өтінішхаты бойынша сот шешімі өзгертіліп, талап қанағаттандырылып, құны 2,1 млрд теңге болатын жер мемлекетке қайтарылды.