«Әділдік жолы» қоғамдық бірлестігінің атқарушы директоры Дидар Смағұлов шетелдік инвесторға зауыттарды сатудан бас тартқаннан кейін жасалған қысым туралы айтты.
Қоғам қайраткерінің Facebook-тегі парақшасында хабарлауынша, инвестор Алматыда екі зауыттың: кабель және металлургия зауыттарының құрылысына $10 млн астам қаражат салған. Инвестор тек салық ретінде 1,3 млрд теңгеден астам төлеген.
«Толық тұйық циклді кәсіпорындар 7500 тоннадан астам шикізатты (мыс, алюминий және т.б.) қайта өңдеп, шәйнектерге арналған сымдардан бастап жоғары вольтты желілерге және датчиктер мен смарт оқшаулауы бар супертехнологиялық шешімдерге дейінгі кабель өнімдерінің кең ауқымын шығарды», - делінген хабарламада.
Қоғам қайраткерінің айтуынша, бірде Алматы әкімдігінің адамдары инвесторға зауыттарды сатуды ұсынған. Ол бас тартқан.
«Кәсіпорындар үшін проблемалар көп күттірмеді: әкімдік заңсыз тексерулердің қандай түрлерін ұйымдастырмады. Зауытты толығымен тоқтатуға тырысып, ТОО индустриялық аймақ желісі бойынша да, ТЖД, техникалық реттеу, бәсекелестікті қорғау және дамыту департаменттерінің көмегімен де тексерулер жүргізді. Прокуратура немесе сот кейін жойған заңсыз тексерулерді әкімдіктің әртүрлі басқармалары: энергия тиімділігі, кәсіпкерлік және инвестициялар, МСӘБ да ұйымдастырды», - деп жазады Дидар Смағұлов.
Сонымен қатар, жер қатынастары басқармасы да тексерулер ұйымдастырған. Белгілі болғандай, кәсіпорынның жер телімін жалға алу мерзімі аяқталып, оны ұзартпаған.
«Инвестициялық-өндірістік холдинг зауыттар бұрыннан тұрған жерді алу үшін Алматы әкімдігіне 8 рет өтініш білдірді. Оларға не бас тартты, не жай ғана елемеді», - деп мәлімдейді қоғам қайраткері.
Содан кейін инвестор әділдік орнату үшін сотқа жүгінді. Инвестициялық жоба астаналық юрисдикцияға жататындықтан, істі Астана қаласының әкімшілік істер жөніндегі сот алқасы қарады.
Сот Алматы әкімдігінің әрекеттерін заңсыз деп танып, 2 шешімнен басқа, 4 жеке ұйғарым шығарғаны хабарланды. Прокуратура 3 наразылық білдірді.
«Алматы антикоры әкімдіктің әрекеттері: ҚК-нің 365-бабы (Заңды кәсіпкерлік қызметке кедергі келтіру); ҚК-нің 370-бабы (Қызметте әрекетсіздік); ҚК-нің 450-бабы (Билікті теріс пайдалану); ҚК-нің 451-бабы (Билікті асыра пайдалану) екенін мұрнына тықты», - деді Дидар Смағұлов.