Денсаулық сақтау министрлігі жыныстық қылмыстар үшін сотталған адамдарға қатысты химиялық кастрацияны қолдану тәртібіне қатысты түзетулер жобасын әзірледі. Құжатқа сәйкес, дәрілік араласуды босатылуға алты ай қалғанда жүргізу жоспарлануда.
Ұсыныстарға сәйкес, мекеме әкімшілігі жаза мерзімі аяқталуға он екі ай қалғанда материалдарды сотқа жіберуі тиіс. Бұл сотталған адамда психикалық ауытқулардың және жыныстық зорлық-зомбылыққа бейімділіктің бар-жоғын анықтайтын сот-психиатриялық сараптаманы тағайындау үшін қажет.
Түзетулер 2025 жылғы 16 шілдедегі «Қазақстан Республикасының кейбір заңнамалық актілеріне Қазақстан Республикасының қылмыстық заңнамасын оңтайландыру мәселелері бойынша өзгерістер мен толықтырулар енгізу туралы» Заңын орындау мақсатында әзірленді.
Құжаттың жобасы қоғамдық талқылауға ұсынылды, ол 18 тамызға дейін жалғасады.