Forbes Kazakhstan басылымы елдегі 75 ірі жеке компанияның жаңартылған рейтингін ұсынды, оған тоғыз жаңа компания енді.
Forbes.kz мәліметінше, 34 компания өткен жылмен салыстырғанда өз позициясын нашарлатса, 21 компания нәтижесін жақсартты, сегіз компания өз орнын сақтап қалды, ал үш қатысушы үзілістен кейін рейтингке қайта оралды.
Биылғы жылы тізімге тоғыз жаңа компания енді. Рейтинг құрастырушылардың айтуынша, олардың пайда болуы тізімнің 75 позицияға дейін кеңеюімен ғана емес, сонымен қатар ауқымы бойынша бұрынғы топ-50-ге сәйкес келетін компаниялар санының өсуімен де байланысты.
Жаңа қатысушылардың ішінде — кәсіпкер Сергей Павлингердің отбасына тиесілі (Павлингер отбасы — Forbes Kazakhstan ең бай кәсіпкерлері рейтингінде №45) Railways Systems KZ компаниялар тобы (19-орын) теміржол машина жасау өнімдерін өндіруші.
Сондай-ақ топ-75-ке автобус және коммерциялық техника өндіретін «QazTehna» ЖШС зауыты (36-орын) енді, оның мажоритарлық иесі Андрей Лаврентьев (Қазақстанның ең бай кәсіпкерлері рейтингінде №12).
Бұдан басқа, рейтингте Тимур мен Динара Күлібаевтардың (екеуі де ең бай кәсіпкерлер рейтингінде №4) девелоперлік компаниясы Mercury Properties дебют жасап, 43-орынды иеленді. Фаррух пен Сухраб Махмудовтар ағайындылардың (екеуі де ең бай кәсіпкерлер рейтингінде №27) мұнай-сервистік тобы Orbis Oilfield Services 47-жолда орналасты.
Басқа жаңа келгендердің арасында:
- аккумулятор жабдықтарын өндіруші «Кайнар-АКБ» ЖШС (56-орын);
- құрылыс компаниясы «Отау-Строй» ЖШС (68-орын);
- құрылыс компаниясы «AVC Production» ЖШС (69-орын);
- құрылыс компаниясы «Мелиоратор» ЖШС (72-орын);
- темір өндіруші кәсіпорын «Bapy Mining» ЖШС (75-орын) кіріс көлемі 37,19 млрд теңге.
Өткен жылы кірістің өсу көшбасшысы Integra Construction KZ компаниясы (12-орын) болды, ол айналымын 118,44%-ке арттырды. Одан кейін кірісі 101,17%-ке өскен «АгромашХолдинг KZ» (66-орын) және 96,28%-бен Qazaq Bitum (51-орын) тұр.
Таза пайда бойынша көшбасшы KAZ Minerals Plc компаниясы (1-орын) болды, ол 604,3 млрд теңге табыс тапты. Екінші орынды BI Group (6-орын) — 118,1 млрд теңге, үшінші орынды 63,6 млрд теңге нәтижемен «Қазақмыс Корпорациясы» (2-орын) иеленді.
Ірі салық төлеушілер арасында бірінші орынды да KAZ Minerals Plc иеленіп, мемлекетке 461,07 млрд теңге аударды, екінші орынды — «Қазақмыс Корпорациясы» (205,56 млрд теңге), үшінші орынды — «Астана-Моторс» Қазақ мотор компаниясы (157,03 млрд теңге) иеленді.
Рейтингке Қазақстанда жұмыс істейтін, капиталында ҚР азаматтары кемінде 50% иелік ететін компаниялар, сондай-ақ бизнес құрғаннан кейін иелері азаматтығын ауыстырған компаниялар енгізілгені атап өтіледі. Forbes Kazakhstan қаржы ұйымдарын (банктер, сақтандыру, лизингтік және инвестициялық компаниялар) олардың қызметінің ерекшелігі мен бухгалтерлік есептегі айырмашылықтарға байланысты тізімге енгізбеді.