Қайтарылған активтерді басқару компаниясы E-Qazyna электрондық порталында аукцион өткізетінін хабарлады. Саудаға 10 нысан қойылды.
Баспасөз қызметінің мәліметінше компания, 5 ақпанда өтетін саудаға жер учаскелері қойылды:
- Наурызбай ауданы Алматы, бастапқы бағасы – 1 832 264 555 теңге;
- Жамбыл ауданы Алматы облысы, 964 га, бастапқы бағасы – 751 842 251 теңге;
- Жамбыл ауданы Алматы облысы, 2400 га, бастапқы бағасы – 178 763 002 теңге;
- Қарасай ауданы Алматы облысы, 142,92 га, бастапқы бағасы – 127 861 494 теңге;
- Жамбыл ауданы Алматы облысы, 1400 га, бастапқы бағасы – 106 021 787 теңге;
- Жамбыл ауданы Алматы облысы, 50 га, бастапқы бағасы – 51 533 631 теңге.
Алматы және Астана қалаларындағы тұрғын емес үй-жайлар:
- Алматы, Бостандық ауданы, Көктем-2 шағынауданы, 22-үй, бастапқы бағасы – 4 377 184 000 теңге;
- Астана, Нұра ауданы, Қайым Мұхамедханов көшесі, 17-үй, №8 үй-жай, бастапқы бағасы – 84 584 305 теңге.
Сонымен қатар, аукционға екі алматылық ұйымның үлестері қойылды:
- «Тұлпар» ЖШС (жылу энергиясын өндіру), алты қызметкер, бастапқы бағасы – 991 469 139 теңге;
- «ZHARKENT SU» ЖШС (суды жинау және бөлу), бастапқы бағасы – 593 139 151 теңге.
Еске сала кетейік, бұған дейін Бас прокуратура хабарлағандай, 2024 жылы мемлекетке 428,7 млрд теңге сомасындағы жымқырылған активтер қайтарылды.