Маңғыстау облысы полиция департаментінің қызметкерлері өңір әкімдігінің көмегімен есірткі құқықбұзушылық жасады деген күдікке ілінген Мұнайлы ауданының үш тұрғынын ұстады. Олардың арасында — Мұнайлы ауданы әкімінің орынбасары және Атамекен ауылы әкімінің орынбасары бар.
Өңір әкімдігінің баспасөз қызметінің мәліметінше, ұсталғандарға қатысты сотқа дейінгі тергеу басталды.
Аудан әкімінің орынбасары уақытша ұстау изоляторына қамалды, басқа қатысушыларға қатысты бұлтартпау шаралары таңдалуда. Алынған есірткі сараптамаға жіберілді, қажетті тергеу әрекеттері жүргізілуде.Ұстау есірткі қылмысына қарсы күрес басқармасының «Қарасора-2025» жедел-профилактикалық іс-шарасы аясында жүргізілді.
«Заңды бұзғаны үшін айыпталған адамдарға қолданыстағы заңнамаға сәйкес ең қатаң шаралар қолданылады. Мемлекеттік қызмет қатарын адал емес қызметкерлерден тазарту әкімдіктің басым міндеті болып табылады», - деп мәлімдеді әкімдікте.
Еске сала кетейік, бұған дейін Алматыда еліміздің тарихындағы ең ірі біржолғы кокаин партиясы салмағы 13 тонна 183 келі тәркіленген болатын. Хабарланғандай, жүк Қазақстан аумағы арқылы басқа елдерге жөнелтілуге арналған. Есірткі арнасын ұйымдастыруға қатысы бар деген күдікпен екі шетел азаматы ұсталды.