Бас прокуратура Ресейден Қазақстан азаматын кәмелетке толмағанға қатысты зорлық-зомбылық сипатындағы жыныстық әрекеттер жасағаны үшін қылмыстық жауапкершілікке тарту мақсатында экстрадициялады.
Ведомствоның баспасөз қызметінің мәліметінше, өткен жылдың қараша айында Қостанай облысында күдікті өз достарының пәтеріне келген.
Олардың ұлымен жалғыз қалып, оның жасы мен психикалық ауруын біле тұра, ер адам оған қатысты зорлық-зомбылық сипатындағы жыныстық әрекеттер жасаған.
Қылмыс жасағаннан кейін күдікті ел аумағынан кетіп қалған, осыған байланысты ол халықаралық іздеу жарияланған.
Өткен жылы ол Челябі облысында (РФ) ұсталып, Бас прокуратураның сұрауы бойынша Отанына экстрадицияланды. Қазіргі уақытта күдікті тергеу изоляторында отыр.
Бұл қылмыс үшін оған 15 жылдан 17 жылға дейінгі мерзімге бас бостандығынан айыру және белгілі бір лауазымдарды атқару немесе белгілі бір қызметпен айналысу құқығынан өмір бойына айыру түріндегі жаза қаупі төніп тұр.
Еске сала кетейік, бұған дейін Бас прокуратура, Қаржылық мониторинг агенттігі (ҚМА) және Біріккен Араб Әмірліктеріндегі елшілік қызметкерлері Дубайдан 400 млн теңгеге криптовалютамен заңсыз сауда жасағаны үшін іздеуде жүрген Қазақстан азаматын экстрадициялады.