Әлеуметтік желілерде Алматыдағы Қарғалы өзені бойымен оның арнасын қайта құру кезінде пайдаланылған гофрленген құбырлар қалқып жүрген видео таралуда.
Tengrinews.kzдеректері бойынша, бұл видео пайдаланушылар арасында белсенді талқылау тудырып, олар болып жатқан жағдайдың себептері туралы әртүрлі болжамдар айтқан. Алматы қаласының әкімдігі жағдайға түсінік берді.
Қалалық биліктің ақпараты бойынша, Алматы қаласының экология және қоршаған орта басқармасының тапсырысы бойынша Қарғалы өзені арнасының Жандосов көшесі мен Рысқұлов даңғылы аралығындағы жекелеген учаскелерін қайта құру жүргізілуде.
Жұмыстар аясында суды бұру және құрылыс-монтаж іс-шараларын орындау үшін арна бойына диаметрі 600 миллиметр гофрленген құбырлар орнатылды.
Бірнеше күн бұрын өзендегі су деңгейінің күрт көтерілуіне байланысты уақытша салынған бөгеттер, сондай-ақ орнатылған құбырлардың бір бөлігі қирап, өзен арнасына түсіп кетті.
Әкімдік қазіргі уақытта жағдай тұрақтандырылып, тұрақты бақылауда екенін хабарлады. Мердігер ұйым өзен арнасынан зақымдалған гофрленген құбырларды алып шықты.