Қостанай облысында полиция қызметкерлері Сарыкөл ауданының Тагильское ауылында заңсыз қару-жарақ өндіру цехын іздеді. Кейін белгілі болғандай, жалған хабарлама болып шықты. Алайда құқық қорғау органдарының әрекеттері зардап шеккендердің сұрақтарын тудырды.
«Halyqstan» Telegram-арнасының мәліметінше, 18 наурызда учаскелік полиция қызметкері жергілікті тұрғын Игорь Волкогонға қоңырау шалып, үйден шығуды сұраған. Бұл кезде оның әйелі Марина үй шаруасымен айналысып жатқан.
«Көп ұзамай маған ағам қоңырау шалып: "Не болды? Сіздің аулада полицияның тобы тұр" деп сұрайды. Мен үйден ұшып шығып, бұл топты көріп, маған: "Сіздің күйеуіңіздің қауіпті қылмыскер екенін білесіз бе?" дейді. Сұраймын – олардың мұнда болуына қандай негіз бар, түсіндіруді талап етемін, олар жауап береді: "Сіз заңды некеде болғандықтан, мүліктің жартысы күйеуіңізге тиесілі, ал ол ауыр қылмыс жасады деген күдікке ілінді. Біз тінту жүргіземіз"», - деді Марина Волкогон.
Оның айтуынша, полиция қызметкерлерінде сот бекіткен тінтуге санкция болмаған. Құжат екі күн өткеннен кейін ғана пайда болды. Кейін полиция бұл кідірісті техникалық ақаулармен түсіндірді: "цифрлық база істен шықты" деген. Соған қарамастан, полиция қызметкерлері Игорьдан қару жасағанын мойындауды талап еткен. Алайда бұған ешқандай дәлел болмаған.
Волкогондардың үйінде тінту бұзушылықтармен жүргізілгені атап өтіледі: заттар төңкеріліп тасталған, бірақ соңында гараждан тек бос гильзалар ғана табылған. Тиісті емес сақтау фактісі бойынша полиция қызметкерлері әкімшілік хаттама толтырған. Содан кейін тінтулер отбасының туыстарының үйлерінде жалғасқан.
«Мен оларға ата-анамды алаңдатпаңдар, екеуі де мүгедек деп айттым, бірақ полиция қызметкерлері өз "жұмысын" жалғастырды. Мұның бәрі ауылдастардың көз алдында болды. Біздің ауылда қандай өсек тарағанын елестетесіз бе», - деді әйел.
Марина Волкогонның айтуынша, следовательлер бірінші тінтуден кейін ғана санкциясыз тінту жүргізу туралы құжат жасаған, бірақ онда тек олардың үйінің мекенжайы көрсетілген. Кейін жедел топ Игорь кочегар болып жұмыс істейтін мектепке, содан кейін оның ағасының үйіне барған. Барлық жерден қару іздеген, бірақ ештеңе таппаған.
ҚР ҚК 287-бабы бойынша (қару-жарақты, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру) қылмыстық іс жабылған. Алайда Волкогондар биліктен қазір түсініктеме талап етуде.
«Біз былай ойлаймыз: егер бізге қатысты хабарлама болса, ол жалған болып шықты. Полиция ақпарат берушілерді біледі және заң бойынша оларды қазір жауапкершілікке тартуы керек. Бірақ бұл болмайды. Әрі қарай, санкциясыз тінту жүргізгені үшін де салдары болуы керек. Біздің азаматтық құқықтарымыз бұзылды, біз бүкіл поселке алдында масқара болдық. Бұл үшін біреу жауап беруі керек», - делінген хабарламада.
Отбасы прокуратураға жүгінген, бірақ олардың айтуынша, арызды әрең қабылдаған. Қадағалау органының өкілдері оларды "өз міндеттерін атқарған следовательге заңсыз шағым берді" деп сендіруге тырысқан. Прокуратураның ресми жауабын бір айдан кейін беруге уәде еткен.