Теміртау бойынша әкімшілік құқық бұзушылықтар жөніндегі мамандандырылған сот «Қазақмыс» корпорациясының бұрынғы қызметкері Бақыт Әділоваға қатысты әкімшілік істі оның тіркелген жері бойынша – Астана қаласының сотына берді.
БАҚ мәліметінше, 12 мамырда Әділованың Теміртау полициясы жасаған хаттамаға шағымы қаралуға тиіс болған. Осыдан кейін сот «Қазамыс» корпорациясының ішкі істер органдарына жүгінуінен кейін басталған әкімшілік іс бойынша талқылауға кірісуі керек еді. Алайда сот істі «соттылығына жатпайтындығына» байланысты беру туралы шешім қабылдады.
Белгілі болғандай, полиция Әділоваға қатысты әкімшілік құқық бұзушылық туралы хаттаманы ҚР ӘҚБтК-нің 456-2-бабы, 3-бөлігі бойынша жасаған («Жалған ақпаратты орналастыру, тарату»).
Хаттамаға сәйкес, 10 наурызда Әділова YouTube-арнасында «қоғамдық тәртіпті және «Қазамыс Корпорациясы» ЖШС құқықтарын бұзуға жағдай жасайтын» ақпаратты орналастырған. Полиция Әділова құқық бұзушылықты мойындап, хаттаманың көшірмесін алудан бас тартқанын көрсеткен.
Алайда, Әділованың өзі бұл мәлімдемелерді үзілді-кесілді жоққа шығарады. Сотқа берген шағымында ол хаттамаға қол қойғанға дейін оның мазмұнымен таныстырылмағанын, өз құқықтары бойынша түсініктеме алмағанын және нақты неге қол қойып жатқанын түсінбегенін мәлімдеген.
Корпорацияда бұрынғы қызметкерге қатысты полицияға арыз беру фактісін растады, бірақ қандай ақпаратты жалған деп санайтынын нақтыламады.
Әділованың айтуынша, полицияға арыз беру, Мәжіліс депутаты Азат Перуашевтің ірі жер қойнауын пайдаланушылардың қызметін сынға алып, «кен және мыс концентратын шығару» туралы сөздеріне сілтеме жасап, «Қазамыстың» бұрынғы қызметкерін еске алған көпшілік алдындағы сөйлеген сөзіне байланысты болуы мүмкін.
Сол депутаттық сауалда Азат Перуашев елден шығарылатын кендер мен концентраттардың талдауының жоқтығы туралы ақпаратты растауды немесе жоққа шығаруды, сондай-ақ, егер ол дұрыс емес болса, «компаниялар мен саланың беделіне нұқсан келтіретін» осындай мәліметтерді тарататын адамдарға сотқа беруді талап еткен.