Қарағанды облысында дизель отынын жүйелі түрде ұрлауға күдікті ұйымдасқан қылмыстық топтың әрекеті жойылды.
Polisia.kz мәліметінше, күдіктілер Бұқар-Жырау ауданының Ащысу станциясы аумағында әрекет еткен. Жедел-іздестіру іс-шаралары барысында полицейлер теміржолдың жылжымалы құрамынан жанар-жағармай материалдарын ұрлаудың 28 эпизодын анықтады.
Құқық қорғау органдары құқыққа қайшы әрекеттің 17 болжамды қатысушысын ұстады.
14 тінту барысында шамамен жарты тонна дизель отыны, тасымалдауға арналған бос канистрлер, сондай-ақ Ресей ІІМ бөлімшелерінің бірінде 2017 жылдан бері жоғалған деп есептелетін тіркелмеген атыс қаруы тәркіленді. Сондай-ақ құқық қорғаушылар 26 оқ-дәрі, 7 ұялы телефон және есірткі заттарын тапты.
Ұрлық фактісі бойынша қылмыстық іс қозғалды. Тергеу әрекеттері жалғасуда, қылмыстық әрекеттің барлық мән-жайлары анықталуда.
Еске салайық, бұған дейін Түркістан облысында қазақ-өзбек шекарасында мұнай өнімдерін контрабандалау үшін туннель жүргізген қылмыстық топқа үкім шығарылды.