ҚР Үкіметі экономиканың әртүрлі салаларына жасанды интеллект (ЖИ) технологиясын енгізу жөніндегі стратегиялық құжатты қабылдады.
Биылғы жылдың ақпан айының басында Үкіметтің кеңейтілген отырысында Президент Тоқаев Қазақстанда ЖИ дамыту тұжырымдамасын іске асыруды тапсырған болатын.
Сарапшылардың пікірінше, жасанды интеллектті қолдану 2030 жылға қарай жаһандық ЖІӨ-ні 14%-ға арттыруға қабілетті.
Үкімет ЖИ енгізу үшін экономиканың басым секторларын белгіледі. Атап айтқанда, мемлекеттік басқару, мұнай-газ, тау-кен өндіру, энергетика, көлік, логистика, сумен жабдықтау және ауыл шаруашылығы салаларындағы табиғи монополия субъектілері.
Отырыста хабарланғандай, бүгінде Қазақстанда Smart Data Ukimet жүйесіне мемлекеттік органдардың деректерін жинау бойынша кешенді шаралар жүзеге асырылуда, оған 93 ақпараттық база қосылған.
Сонымен қатар, Қазақстанда инфрақұрылымды дамыту аясында «суперкомпьютерді» орналастыру, деректерді өңдеу орталықтарын салу, ұлттық ЖИ платформасын құру және талшықты-оптикалық байланысты дамыту қарастырылуда.
ЖИ-ді оқытуға және одан әрі жұмыс істеуге бағытталған бірқатар білім беру бағдарламалары қарастырылған.
Алайда, атап өткендей ғылым және жоғары білім министрі Саясат Нұрбек, «суперкомпьютер» де, жасанды интеллект те шенеуніктерді алмастыра алмайды.
Министр Қытайдың тәжірибесін мысалға келтіріп, алгоритм компания басшыларының орнын баса алмайтынын көрсетті.
Сонымен қатар, ғылым және жоғары білім министрлігі тілдік модельді (LLM) құру жұмыстарын жүргізіп жатыр, бұл мәдени және тілдік мұраның дамуына оң әсер етуі тиіс.
Алғашқы үлкен тілдік модельді тексеру биылғы жылдың үшінші тоқсанында жүргізілмек.
ҚР Премьер-Министрі Олжас Бектенов ЖИ-ді қолдану бірқатар өндірістік процестерді жеңілдетуге уәде беретінін атап өтті: денсаулақ сақтау саласындағы тәуекелдерді есептеу, ТЖ болжау, қауіп-қатерлер мен кибершабуылдарды алдын ала анықтау.
Үкімет басшысы цифрлық даму министрлігіне жергілікті атқарушы органдармен бірлесіп, 2024-2029 жылдарға арналған ЖИ дамыту тұжырымдамасын іске асыруға кірісуді тапсырды.
Сонымен бірге қаржы министрлігі ақпараттық-коммуникациялық инфрақұрылым объектілерін жалға алу рәсімін жеңілдетумен айналысуы керек.
Жасанды интеллекттің айқын артықшылықтары ерте ме, кеш пе, ЖИ-дің мемлекеттік саясаттың әртүрлі салаларына енгізілуіне әкелуі тиіс еді. Сонымен бірге, жасанды интеллект қоғам өмірін жеңілдетумен қатар, күрделендіруге де қабілетті екенін атап өткен жөн.
Айталық, бүгінде алаяқтар қазақстандықтарды алдау үшін ЖИ-ді барған сайын күрделі тәсілдермен қолдануда.
Еске салайық, бұрын желіде Қасым-Жомарт Тоқаев пен Kaspi.kz басшысы Михаил Ломтадзе қазақстандықтарға 2 млн теңгеден бастап табыс табуға мүмкіндік беретін жаңа жоба туралы айтып жатқан жалған видео тараған болатын.
Сонымен қатар, алаяқтар жасанды интеллект көмегімен Президент Илон Маск құрған жаңа инвестициялық платформаны қолдауға шақырып жатқан бейнежазба жасаған.