Қытайда сот Қытай футбол қауымдастығының (CFA) бұрынғы басшысы Чэнь Сюйюанды сыбайлас жемқорлық үшін өмір бойына бас бостандығынан айыруға соттады. Әртүрлі басшылық лауазымдарды атқара отырып, ол 2010 жылдан 2023 жылға дейін $11 млн астам көлемде пара алған.
«The Guardian» басылымының қытайлық БАҚ-қа сілтеме жасап хабарлауынша, Чэнь Сюйюань қызметтік өкілеттіктерін, оның ішінде CFA-дағы өкілеттіктерін пайдаланып, басқа адамдарға жобаларды іске асыру және спорттық іс-шараларды ұйымдастыру үшін келісімшарттар жасасуға көмектескені үшін сотталған.
Ол үшін футбол қауымдастығының бұрынғы басшысы 81 млн юань ($11 млн) дерлік ақша мен бағалы заттар алған.
Чэнь Сюйюаньнан басқа, сыбайлас жемқорлық ісі бойынша басқа да адамдар бас бостандығынан айыру жазасын алды. CFA бұрынғы бас хатшысының орынбасары Чэн Юнлянь 14 жылға бас бостандығынан айырылды. CFA бұрынғы вице-президенті Ю Хонгчэн 13 жыл бас бостандығынан айырылды. Қытай Суперлигасының бұрынғы бас директоры Донг Чжэн 8 жылға сотталды.