Halyk Bank Ресейдің Тула қаласындағы парк-қонақ үйді 5,6 млрд теңге бағасына сатуды жариялады. Нысан Щекино ауданында Ясная Поляна орманшылығы аумағында орналасқан. Жарияланған фотосуреттерге қарағанда, ресейлік миллиардер Александр Клячин бақылайтын Azimut Hotels желісіне тиесілі Azimut Park Hotel туралы сөз болып отыр.
______________
Анықтама үшін: Александр Клячин — ресейлік бизнесмен және жер иесі, инвестор, Azimut Hotels желісінің негізін қалаушы және иесі, «Метрополь» қонақ үйінің иесі. 2020 жылы Forbes нұсқасы бойынша ресейлік миллиардерлер рейтингінде $1,6 млрд (877,9 млрд теңге) бағалауымен 60-орынды иеленді.
Telegram-арнасы «Nege.Aqsha» деректері бойынша, кешеннің ауданы 8,3 мың ш.м. дерлік, тағы 2,1 мың ш.м. жуығын VIP-корпус пен SPA-орталықты қоса алғанда, аяқталмаған құрылыстар алып жатыр.
Қонақ үйдің құрамына бес корпус, спорт алаңы, жаттығу залы, банкет және конференц-залдар, балалар бөлмелері, мейрамхана, лобби-бар, сондай-ақ от жағатын алаңы және арқан өткелі бар ойын-сауық паркі кіреді.
Қонақ үй қоры стандартты нөмірлерден люкс және апартаменттерге дейінгі әртүрлі санаттағы 89 бөлмеге есептелген. Кешенде джакузи бар үш нөмір қарастырылған.
Банк шарттары бойынша, мәміленің рубльдегі түпкілікті сомасы валюта бағамын ескере отырып, сату кезінде анықталатын болады.