Антикор Гүлмира Қайрат Сатыбалдының жұбайына және бірқатар қатысты тұлғаларға қатысты кезекті тергеуді аяқтады. Ол кәсіпкерді заңсыз бас бостандығынан айыру, бопсалау және ауыр зардаптарға әкеп соққан өз бетімен билік етуде айыпталуда.
Ведомство баспасөз қызметінің мәліметінше, қазіргі уақытта процеске қатысушылар қылмыстық іс материалдарымен танысуды аяқтаған.
«Сатыбалды Г.-ға қатысты Алматы тергеу сотының санкциясымен «қамауда ұстау» түріндегі бұлтартпау шарасы таңдалды. Қылмыстық іс мәні бойынша қарау үшін Алматы қаласының Мамандандырылған ауданаралық қылмыстық сотына жіберілді», - делінген хабарламада.
Еске салайық, тағылған айыптар туралы былтыр Гүлмира Сатыбалдыға бөтеннің мүлкін иемдену және ысырап ету үшін 8 жыл бас бостандығынан айыру жазасы тағайындалар алдындағы сотта белгілі болған еді.
Сол кезде сотталушы өз кінәсін мойындамайтынын мәлімдеген. Іс бойынша тағы екі айыпталушы — Мади Батыршаев (Maxi Bottlers ЖШС-нің құрылтайшысы және директоры), ол өз бетімен билік ету және адам ұрлауда айыпталуда, және Рашид Утебеков (Сатыбалдының жүргізушісі), ол адам ұрлауда айыпталуда, кінәлерін ішінара мойындаған.
Гүлмира Сатыбалды мен басқа адамдардың әрекеттерінен зардап шеккендер ретінде кәсіпкерлер Тұрсын Алағұзов және Айгүл Мекешова танылды. Келтірілген залал сомасы 6,6 млрд теңгеден астамды құрады.
Айта кетейік, бұған дейін Антикордың баспасөз қызметі ведомство экс-президент Назарбаевтың жиені – Қайрат Сатыбалдының ісі бойынша мемлекетке тағы 50 млрд теңгені қайтаруды жоспарлап отырғаны туралы хабарлаған болатын.