Астана қылмыстық істер жөніндегі ауданаралық соты ауыл шаруашылығы министрлігінің агроөнеркәсіп кешеніндегі мемлекеттік инспекция комитетінің «Фитосанитария» РМК бас бухгалтеріне үкім шығарды.
Ведомство баспасөз қызметінің мәліметінше, ол өзіне сеніп тапсырылған бөтен мүлікті ірі көлемде иемденгені үшін кінәлі деп танылды.
Тергеу барысында айыпталушының кәсіпорынның шотынан жалақы ретінде 2,7 млн теңге алып, иемденгені анықталды.
Сот бұрынғы бухгалтерді кінәлі деп тауып, оған 7 жыл бас бостандығынан айыру жазасын тағайындады. Сонымен қатар, сотталғанға мемлекеттік ұйымдарда 5 жыл бойы материалдық жауапты лауазымдарды атқаруға тыйым салынды.
Еске сала кетейік, 2023 жылғы қыркүйекте белгілі болғандай, Алматы Сыбайлас жемқорлыққа қарсы қызметі «Фитосанитария» РМК бас директорына қатысты тергеу бастаған. Ол белгіленген тыйымға қарамастан, кәсіпкерлік қызметпен айналысатын ұйым құру және оны басқаруда айыпталды.
2022 жылғы маусымнан 2023 жылғы қыркүйекке дейін бас директор бұл ұйымға «Фитосанитарияның» Алматы облыстық филиалының үй-жайын тегін беріп келгені атап өтілді. Оның әрекеттерінен мемлекетке келтірілген залал 7,4 млн теңгені құрады.