«Алматы Тазалык» ШЖҚ директоры А. Тоқтасынов пен жеке компания «Қала көркейту» ЖШС директоры С. Байжанов Алматыда сыбайлас жемқорлық үшін сотталды.
Антикор баспасөз қызметінің мәліметінше, Тоқтасынов көшелер мен тротуарларды күтіп-ұстау бойынша қосалқы мердігерлік шарттар жасасқаны және орындалған жұмыстар актілеріне қол қойғаны үшін кәсіпкерден 2,7 млн теңге көлемінде пара алған.
Нәтижесінде сот Тоқтасыновты пара алуда кінәлі деп танып, оған 81 млн теңге көлемінде айыппұл салды. Байжанов пара бергені үшін орташа қауіпсіздік колониясында 3 жыл 6 ай бас бостандығынан айырылды.
Еске сала кетейік, бұған дейін хабарланғандай, Алматы Антикоры «Алматы Тазалық» директорына қатысты сотқа дейінгі тергеу жүргізуде, ол пара алуға күдікті. Пара орындалған жұмыстар актілеріне қол қою, мемлекеттік сатып алу бойынша қосымша келісімшарттар жасасу және жалпы қамқорлық үшін берілген.