Екібастұз сотында Павлодар облысының қалалық төтенше жағдайлар басқармасының бастығы Куконев Д., оның орынбасары Майманов Ж. және кәсіпкер Жумашев Б. үкім шығарылды.
Антикор баспасөз қызметінің мәліметінше, Куконев пен Майманов өз кәсіпорнымен өртке қарсы қызмет көрсету шарттарын жасасқаны үшін Жумашевтен 7,4 млн теңге көлемінде бірнеше рет пара алғаны үшін кінәлі деп танылды.
Нәтижесінде Куконев 7 жыл 6 ай бас бостандығынан айырылды, Майманов пен Жумашев – 7 жыл бас бостандығынан айырылды.
Сондай-ақ, оларға мемлекеттік қызметте және квазимемлекеттік секторда лауазымдарды атқаруға өмір бойына тыйым салынды. Бұдан басқа, Куконев «азаматтық қорғаныс полковнигі» атағынан, ал Майманов «азаматтық қорғаныс майоры» атағынан айырылды.
Еске салайық, биылғы мамыр айында Антикор ҚР ТЖМ өртке қарсы қызметінің төрағасына, сондай-ақ Шымкент ТЖД және Жетісу облысы ТЖД бастықтарына қатысты тергеуді аяқтады. Лауазымды тұлғалар кәсіпкерден 40 млн теңгеден астам пара алды деп күдіктелуде. Күдіктілерге қатысты тергеу соты қамауда ұстау түріндегі бұлтартпау шарасын санкциялады.
Шілде айында Павлодар облысы бойынша ТЖМ өнеркәсіптік қауіпсіздік комитеті департаменті бөлімінің басшысы Темірханов К. сыбайлас жемқорлық үшін 3 жыл бас бостандығынан айыруға сотталды. Ол кәсіпорын басшысынан 1,3 млн теңге көлемінде пара алды деп айыпталған еді.
Тамыз айында төтенше жағдайлар жөніндегі бұрынғы бірінші вице-министр Ибрагим Күлшімбаев өкілеттігін асыра пайдаланғаны үшін 5 жылға сотталды. Тергеу деректері бойынша, Күлшімбаев бағыныштыларды өз үйін салуға мәжбүрлеген.
Қыркүйек айында Таразда сыбайлас жемқорлық үшін «Жамбыл облысы бойынша ТЖМ Апаттар медицинасы орталығы» ММ филиалы басшысының міндетін уақытша атқарушы сотталды.