Екібастұз қалалық соты «Екібастұз ГРЭС-2 станциясы» АҚ ақша қаражатын жымқыру туралы қылмыстық істі қарады. Сотталушылар роторлы-тиеу машинасын орнату және земснаряд жабдығын сатып алу жөніндегі жұмыстарды орындауға ресурстары болмаған компаниямен мердігерлік шарт жасасу кезінде ерекше ірі мөлшерде қаражатты иемдену және ысырап ету бойынша айыпталды.
Сот баспасөз қызметінің мәліметінше, жұмыстар толық көлемде орындалмаған, жабдықтар ішінара жеткізілген. Айыпталушылардың біріне қатысты айыптау қайта сараланды алаяқтыққа, алайда ол ескіру мерзімінің өтуіне байланысты қылмыстық жауапкершіліктен босатылды, ал басқа бір эпизод бойынша — ақталды.
Қалған сотталушылар кінәсіз деп танылды: сот қылмыстық құқық бұзушылық құрамының жоқтығын көрсетіп, оларға қылмыстық жауапкершілікке заңсыз тартудан келтірілген зиянды өтеу құқығын берді.
«Екібастұз ГРЭС-2 станциясы» АҚ азаматтық талап-арызын сот ішінара қанағаттандырды. Үкім әзірге заңды күшіне енген жоқ.
Еске салайық, өткен жылдың ақпан айында Павлодар облысының прокуратурасы «Екібастұз ГРЭС-2» АҚ-да ірі ысырапты анықтады. Қаражат үшінші энергоблокты орнатумен жылу электр станциясын кеңейту және реконструкциялауға арналғаны атап өтілді. Расталмаған жұмыстардың сомасы шамамен 1 млрд теңгені құрады.