БҚО-да трактор жер астындағы полиэтилен газ құбырын зақымдап, бірқатар елді мекендер мен бау-бақша серіктестіктерін газбен жабдықтаусыз қалдырды.
«Ак Жайык» басылымының мәліметінше, авариялық бригада қызметкерлері ағып кетуді жойды.
Авария салдарынан 599 тұтынушы газсыз қалғаны хабарланды:
- Жайық кенті – 235 тұтынушы;
- Желаево кенті – 179 тұтынушы;
- «Хуторок» бау-бақша серіктестігі – 112 тұтынушы;
- «Дружба» бау-бақша серіктестігі – 73 тұтынушы.
Белгілі болғандай, газ құбыры «QAZAQGAZ AIMAQ» АҚ балансында тұр. Оқиға орнына полиция қызметкерлері шақырылып, жағдайды анықтау үшін тергеу жүргізілуде.
«Қазіргі уақытта жөндеу-қалпына келтіру жұмыстары аяқталды, газ құбыры қалпына келтірілді, газды қайта іске қосу жүргізілуде», - делінген хабарламада.