Қызылорда тұрғыны баласына тіс жұлдырған емханадан 1,5 млн теңгеден астам өтемақы өндіріп алды.
Informburo.kz деректеріне сәйкес, әйел Орталық қалалық емханаға талап-арыз берген. Стоматологқа барғаннан кейін баланың жақ сүйегі ісінгені хабарланды.
«Кейін балаға облыстық ауруханада екі рет ота жасалды, диагноз – сол жақ төменгі жақ сүйегінің жедел іріңді одонтогенді флегмонасы. Алты айдан кейін оның жақ сүйегі қайта ісіп, іріңді жара жазылмады, отбасы Алматыда ақылы негізде хирургиялық араласумен емделуге мәжбүр болды», – деді сотта.
Өз кезегінде медициналық және фармацевтикалық бақылау департаментінің қызметкерлері емхананы тексеріп, дәрігердің клиникалық хаттамаларды сақтамағанын анықтады.
Сонымен қатар, тісті орта білімі бар стоматолог ассистенті жұлған. Бұған дейін ол тексеру жүргізбеген және рентгенге түсірмегені хабарланды.
Ананың айтуынша, бала екі жылға жуық уақыт бойы қалыпты ұйықтай алмайды. Дәрігерлердің қорытындысы бойынша ол мүгедектік алған.
Нәтижесінде сот стоматологиялық емханадан моральдық зиян және материалдық залал үшін 1,5 млн теңгеден астам өтемақы өндірді.