Аягөз гарнизонында әскери қызметшінің қайтыс болу фактісі бойынша «Өзін-өзі өлтіруге дейін жеткізу» бабы бойынша қылмыстық іс қозғалды.
Informburo.kz деректеріне сәйкес, бұл туралы қорғаныс министрлігі тәрбие және идеологиялық жұмыс департаментінің бастығы Тілеухан Басхожаев ОСК-дағы брифингте хабарлады.
«Бұл факт орын алды. Екі жылдық мерзімге шақырылған әскери қызметші, офицер. 6 қыркүйекте ол бөлімнің тізіміне енгізілді. Далалық шығуларға байланысты емес, қаржы қызметінде лауазымда болды. Көшуге арналған барлық өтемақыларды, барлық ақшаны алды. Кеше (19 қыркүйек) ол әкесімен сөйлесіп, қызмет өткеруге шағым білдірмеді», – деді Басхожаев.
Бұған дейін Аягөз гарнизонының баспасөз қызметі офицердің қызметтен тыс уақытта тұрған пәтерінен оның денесі табылғанын хабарлаған болатын. Алдын ала болжам бойынша, ол өз-өзіне қол жұмсаған.