Төтенше жағдайлар жөніндегі жедел штаб өзен жағалауына жақын орналасқан Атырау жеке тұрғын үй секторларының тұрғындары құрылыс жұмыстарына кедергі келтіргенін хабарлады.
«Ақ Жайық» басылымының мәліметінше, өзенге іргелес орналасқан 29 үйдің тұрғындары аула маңындағы құрылыстарды бұзуға рұқсат бермей отыр. Жергілікті уәкілетті органдар бұл бөгеттерді нығайту жұмыстары үшін қажет екенін айтады.
Нәтижесінде қала әкімдігі қорғаныс бөгетін басқа жерде салуды ұйғарды.
«Халелов көшесінің тұрғындары бұл шешіммен толық келісті. Қазір олар өз күштерімен қорғаныс бөгеттерін салып жатыр. Тұрғын үй секторындағы жағалауды нығайту жұмыстары үшін әкімдік тарапынан қажетті құрылыс материалдары мен күштер бөлінетін болады», - деп хабарлады Төтенше жағдайлар жөніндегі жедел штаб.
Сұрақ туындайды: әкімдік басынан бастап балама шешім таба алмады ма? Жеке меншікке қол сұғудың шұғыл қажеттілігі, көріп отырғанымыздай, болмаған ғой.