Астанада кеден бекеті бастығының орынбасарына үкім шығарылды. Ол пара алуда айыпталды. Онымен бірге сот отырысына контрабандалық жүк әкелу және пара беру үшін сотталған бір азаматша да отырды.
«Т., кеден бекеті бастығының орынбасары бола тұра, «Стамбұл-Астана» әуе қатынасы арқылы кеден шекарасынан азаматша Д. жарияланбаған алтын бұйымдары мен медициналық дәрі-дәрмектерді контрабандалық жолмен әкелгені үшін 1 060 000 теңге мөлшерінде пара алған, ал соңғысы аталған ақшалай сыйақыны берген», - деп хабарлады Астана соттарының баспасөз қызметі.
Нәтижесінде сот айыпталушыларды кінәлі деп танып, бастықтың орынбасарына 63 млн теңге мөлшерінде айыппұл салды, ал азаматша Д. 28,1 млн теңге мөлшерінде айыппұл төлеуге міндеттелді. Сонымен қатар, сотталғандарға мемлекеттік қызметте лауазымдарды атқаруға өмір бойына тыйым салынды.
Еске сала кетейік, бұрын хабарланғандай, азаматша Д. Қазақстанға әкелгісі келген контрабандалық зергерлік бұйымдар 57 млн теңгеге бағаланған еді.