Алматы теміржол вокзалының жеке кассасында билеттер қымбат бағамен сатылған.
Бұл туралы хабарлады «Қазақстан темір жолы» (ҚТЖ) АҚ баспасөз қызметі.
«Алматы-1 теміржол вокзалында жұртшылық пен бұқаралық ақпарат құралдарының қатысуымен кезекті тексеру жүргізіліп, жеке кассада билеттердің белгіленген бағадан екі есе жоғары сатылғаны анықталды», - делінген хабарламада.
Тексеру кезеңінде жеке касса жұмысы тоқтатылғаны хабарланды. Тексеру материалдары уәкілетті органдарға жіберілген.
Бұған дейін Алматы – 2 вокзалындағы жеке кассада жол жүру құжаттарын қайта сату бойынша алаяқтық схема анықталғаны атап өтілген.