Алматы облысы Іле ауданындағы металл қабылдау пунктінің аумағында белгісіз заттың жарылысы болып, салдарынан үш адам қаза тапты.
БАҚ деректеріне сәйкес, облыстық полиция департаментінің баспасөз қызметі қаза тапқандардың денелері оқиға орнынан табылғанын хабарлады. Шақырту бойынша полиция қызметкерлері, ТЖМ бөлімшелері және жедел жәрдем бригадасы келді.
Қайғылы оқиға бойынша қылмыстық іс қозғалды. Болған оқиғаның себептері мен мән-жайын анықтау үшін сотқа дейінгі тергеу жүргізілуде.
Өз кезегінде ORDA жергілікті тұрғындардың ресми нұсқаны жоққа шығаратынын хабарлайды. Олардың сөзінше, жарылыс ұзақ уақыт бойы жабылуын талап етіп келген алюминий өңдеу зауытында болған.
«Біз әкімдікке, полицияға және прокуратураға бірнеше рет шағымданғанбыз, бірақ ешқандай әрекет болмады. Егер зауытты уақытында жапқанда, бұл қайғылы оқиғаның алдын алуға болар еді», — деп жазды куәгерлердің бірі.
Еске салайық, бұған дейін Шығыс Қазақстан облысы Ұлан ауданының Бозанбай ауылында құрылыс жұмыстарын жүргізу кезінде тракторшы қаза тапқан еді.