Маңғыстау облысының полицейлері ірі интернет-алаяқтыққа күдіктелген қылмыстық топтың әрекетін тоқтатты. Алдын ала мәліметтер бойынша, қылмыскерлер қазақстандықтардан 133 млн теңге ұрлаған.
Polisia.kz хабарлағандай, қазан айында облыстық полиция департаментінің тергеу басқармасына екі жергілікті тұрғын өтініш білдірген. Жәбірленушілердің айтуынша, белгісіз адамдар өздерін ҰҚК және ҚР Ұлттық банкінің қызметкерлері ретінде таныстырып, алдау жолымен олардың ақшаларын иемденген.
Жедел-іздестіру іс-шаралары барысында тергеу жәбірленушілердің ақшасы 20-ға жуық делдалдың (дроппердің) шоттары арқылы өткенін анықтады, олардың көпшілігі алматылық жоғары оқу орындарының студенттері болып табылады.
Ақша түптеп келгенде схеманың екі болжамды ұйымдастырушысына аударылғаны хабарланады. Күдіктілер ұсталып, уақытша ұстау изоляторына орналастырылды.
Еске салайық, наурыз айында Мәжіліс депутаты Үнзила Шапақ хабарлағандай, 2023 жылы жалған полицейлер мен жалған банкирлердің ұрлаған қаражаты мен азаматтарға ресімделген несиелерінің сомасы 21 млрд теңгені құраған.
Сәуірде белгілі болғандай, Ақтөбе тұрғыны алаяқтардың қоңырауынан кейін өз атына 7 млн теңгеге несие рәсімдеген. Оған белгісіз адамдар қоңырау шалып, өздерін ҰҚК және Ұлттық банк қызметкерлері ретінде таныстырған.