Грузиядан Ресей азаматы Қазақстанға экстрадицияланды, ол ауыр қылмыс жасады деп күдіктеледі. Оны ҚР Бас прокуратурасының сұрауы бойынша жеткізді.
Ведомствоның баспасөз қызметінің мәліметінше, экстрадицияны Бас прокуратура мен Интерполдың Ұлттық орталық бюросы ҚР Сыртқы істер министрлігінің жәрдемімен жүзеге асырды.
Қазақстанның құқық қорғау органдары Ресей Федерациясының азаматын ауыр қылмыс жасауға қатысты деп күдіктейді.
Хабарланғандай, 2022 жылы Алматыда ер адам азаматтарды ұрлауға және олардың мүлкін күшпен иеленуге қатысқан. Оның әрекеттеріне түпкілікті құқықтық баға тергеу және сот талқылауы барысында беріледі.
Күдікті үш жылдан астам уақыт құқық қорғау органдарынан жасырынып, халықаралық іздеуде болған. Ағымдағы жылдың қыркүйегінде ол Грузия аумағында ұсталып, кейін Қазақстанға экстрадицияланды.
Қазіргі уақытта күдікті тергеу изоляторына орналастырылды. Қадағалау органында атап өткендей, инкриминацияланған әрекеттерді жасағаны үшін қылмыстық заңнама мүлікті тәркілей отырып, 7 жылдан 12 жылға дейін бас бостандығынан айыру түріндегі жазаны көздейді.
Еске салайық, бұған дейін ҚР Бас прокуратурасы мен Интерполдың Ұлттық орталық бюросы ҚР Сыртқы істер министрлігінің жәрдемімен Польшадан адам органдарын сатуға күдіктеліп, халықаралық іздеуде болған Украина азаматшасын экстрадициялады.