Астана әкімдігінде өңірлік Инвестициялық штабтың отырысы өтті, онда отандық және шетелдік қатысумен жүзеге асырылатын инвестициялық жобалардың мәселелері қаралды.
Мысалы, әкімдіктің баспасөз қызметі хабарлағандай, Катардың «Power International Holding» инвестициялық холдингі мен «Cynosure» компаниясы Астанада медициналық хаб салуды жоспарлап отыр. Жоба 2 кезеңде жүзеге асырылады. Біріншісі – $196 млн (88 млрд теңге) жеке инвестицияға медициналық орталық салу. Екінші кезең – $360 млн (160 млрд теңге) медициналық хаб құру.
Сонымен қатар, басқа шетелдік инвесторлар «Sabis» және «International Community Schools Ltd» халықаралық мектептерін салу жобаларын жүзеге асыруда.
Отырысқа ресейлік «WILDBERRIES» және «Ozon» логистикалық компаниялары да қатысты. «WILDBERRIES» қуаттылығы 150 мың ш. м болатын өңірлік логистикалық орталықтың құрылысына шамамен 50 млрд теңге инвестиция салады, бұл 6 мың жұмыс орнын құрады.
«Ozon компаниясының шамамен 40 млрд теңге жеке инвестиция сомасына ірі логистикалық орталығын салу жобасы жүзеге асырылуда. Бүгінгі күні жобаның 30 мың ш.м. бірінші кезегі пайдалануға берілді. 40 мың ш.м. екінші кезегінің құрылысы бойынша жұмыс жүргізілуде. Жобаны жүзеге асыру 5 мыңнан астам жұмыс орнын құруды көздейді», - делінген хабарламада.
Сонымен қатар, австриялық «LASSELSBERGER» компаниясы 200-ден астам жұмыс орнын құра отырып, құрылыс құрғақ қоспаларын өндіру зауытын салуға 25 млрд теңгеден астам инвестиция салуды жоспарлап отыр. Болжамды өндіріс көлемі жылына 100 мың тонна қоспаны құрайды.
Оған қоса, түрік компаниясы «Tiryaki» қуаттылығы жылына 240 мың тонна бидай өңдейтін зауыт салуға шамамен $200 млн инвестиция салғысы келеді.
Айта кетейік, кеше Қазақстанға автомобиль, теміржол, сондай-ақ су көлігімен бидай әкелуге тыйым салуды тағы жарты жылға ұзарту туралы хабарланған болатын.