«Әділдік жолы» қоғамдық бірлестігінің атқарушы директоры Дидар Смағұлов Түркістан облысында құжат бойынша бюджет қаражатына құны 2,2 млрд теңге тұратын бөгет тұрғызылған жерге барды.
Қоғам қайраткері Facebook-тегі парақшасында айтқандай, суды ұстауға арналған құрылыстың биіктігі 2,5 метрге, ұзындығы 40 шақырымға жетуі керек еді.
«Мына жерде бөгетті көріп тұрсыз ба? Жоқ? Ал ол осында бар. <…> Оған Түркістан облысында 2021 жылдың аяғында 2,2 миллиард теңге жұмсалды. Құрылысты 2022 жылы бір рет тексерді, ол бірден шайылып кетті, содан бері бөгет пайдаланылмады. Енді кепілдік мерзімі аяқталғанын күтіп, істің ұшын суға тығуға тырысуда (парадокс). Сіздер сұрайсыздар: жергілікті Сыбайлас жемқорлыққа қарсы қызмет қайда қарап отыр? Маған да қызық. Өйткені бұл фактіні тексеруді ол әкімдіктен сұраған», – деп жазды Дидар Смағұлов.
Қоғам қайраткерінің айтуынша, 2023 жылғы 23 қарашадағы осы факті бойынша ресми өтінішті Сыбайлас жемқорлыққа қарсы қызмет «аяққа тартып келді».
«5 ай өтті, олар әлі күтіп отыр. Тексеруді сізге тәуекелдер туралы айтқан кезде жүргізу керек, тасқын мен құрбан болған кезде емес. 2 жыл ішінде әртүрлі бөгеттерге, плотиналар мен жағалау бекіністеріне жұмсалған 97 миллиард соманы жариялағанда, маған көптеген таңғалған журналистер қоңырау шалды. Бұл сатып алу оған кірмеді, себебі ол бұрын болған және бәрін барынша жасыру үшін тұрғын емес үй-жайлардың құрылысы ретінде жүргізілген. Бірақ мен Түркістанда қазіргі басшылықпен қандай да бір өзгеріс болатынына қатты күмәнданамын: бөгет тексеруін қазір МСӘБ, яғни әкімдіктің өз басқармасы жүргізеді. Олар бұзушылықтарды табады деп ойлайсыз ба (өз аяқтарына өздері оқ атады)?» – деп сұрақ қойды Дидар Смағұлов.