Антикор Алматы метросындағы ұрлық фактісі бойынша сотқа дейінгі тергеуді бастады. Бас көлік прокуратурасының баспасөз қызметінің мәліметінше, метро қызметкерлері электропойыздарға қосалқы бөлшектерді қымбат бағамен сатып алған.
«Соңғы талдау көрсеткендей, «Метрополитен» МКК қызметкерлері локомотивтерге арналған бастапқы резеңке серіппелерді 137 млн теңгеге асыра бағаланған бағамен сатып алған», - делінген хабарламада.
Бұл қорытындыны метрополитеннің аудит есебі де растады, соған байланысты көлік прокуратурасы сотқа дейінгі тергеуді тіркеді, оны қазіргі уақытта Алматы Антикоры жүргізуде.
«Қылмыстық-процестік кодекстің 201-бабына сәйкес, өзге де ақпарат тергеу мүддесі үшін таратылуға жатпайды», - деп хабарлады прокуратурада.
Еске сала кетейік, бұған дейін белгілі болғандай, Алматы спорт басқармасының және оған қарасты ұйымның бұрынғы қызметкерлері 56 млн теңге ұрлады деп күдіктелуде.