Пәкістанда бұрынғы премьер-министр Имран Хан мен оның жұбайы Бушра Биби сыбайлас жемқорлық және жер алаяқтығы ісі бойынша үкім шығарылды.
Reuters мәліметінше, айыптау 2018 жылы Хан мен Биби құрған «Al-Qadir Trust» үкіметтік емес қайырымдылық ұйымына қатысты.
Тергеу қорды Ханның Пәкістанның ең бай бизнесмендерінің бірі, құрылыс салушы Малик Рияз Хуссейден пара ретінде екі жер телімін алу үшін жамылғы ретінде пайдаланған деп есептейді. Пара заңсыз қызметтердің орнына берілген делінеді.
Хан барлық айыптауларды жоққа шығарып, оларды саяси тұрғыдан ықпал ету және билікке қайта оралуына жол бермеуге бағытталған деп санайды.
Сот Имран Ханды кінәлі деп тауып, оған 14 жыл бас бостандығынан айыру жазасын кесті. Оның жұбайы Бушра Биби 7 жылға бас бостандығынан айырылды. Ол кепілдікте болған, бірақ үкім шығарылғаннан кейін қамауға алынды.
Ханның көмекшісі - Омар Аюб, «Әділет үшін қозғалыс» (PTI) партиясы үкімге жоғары тұрған сатыларда шағымданбақ ниетте екенін мәлімдеді.
Белгілі болғандай, 2024 жылдың қарашасында Пәкістан Имран Хан мен PTI жақтастары ұйымдастырған бұқаралық наразылықтар толқынына тап болды. Бұл митингілер саясаткердің сот қудалауына, оның тұтқындалуына және сайлауға қатысуына жол бермеу әрекеттеріне жауап болды.